KANADANING O‘ZBEKISTONDAGI FAVQULODDA VA MUXTOR ELCHISI BILAN UCHRASHUV

O‘zbekiston Respublikasi qishloq xo‘jaligi vaziri Aziz Voitov Kanadaning O‘zbekistondagi Favqulodda va Muxtor Elchisi Alison Meri Lekler bilan uchrashuv o‘tkazdi. Uchrashuvda Kanada va O‘zbekiston o‘rtasida qishloq xo‘jaligi sohasida istiqbolli yo‘nalishlarni rivojlantirish masalalari muhokama qilindi.

Muloqot chog‘ida tomonlar o‘zaro tajriba almashish bo‘yicha hamkorlikda ish olib borish imkoniyatlarini ko‘rib chiqdilar.

Xususan:

•  Qishloq xo‘jaligini moliyalashtirish yuzasidan. Qishloq xo‘jaligi vazirligi Kanadaning eng yirik “Farm Credit Canada” kompaniyasi bilan tajriba almashish dasturini yo‘lga qo‘yishga tayyor.
• Don mahsulotlari ishlab chiqarish bo‘yicha bug‘doy, raps, makkajo‘xori va boshqa mahsulotlarni yetishtirishda Kanada tajribasidan foydalanish kabi.

Bundan tashqari, qishloq xo‘jaligi vaziri kanadalik hamkorlarning O‘zbekistondagi ishtirokini kengaytirish istiqbollari bilan tanishish maqsadida Kanadaning qishloq xo‘jaligi sohasidagi yetakchi kompaniyalarining biznes missiyasini birgalikda tashkil etishni taklif qildi.

“Biz ayniqsa, O‘zbekistonga sut mahsulotlarini ishlab chiqarish va qayta ishlash korxonalarini jalb etishdan, shuningdek, bu borada kooperatsiya yaratish tajribasini o‘rganishdan manfaatdormiz”, — dedi Aziz Voitov.