SAUDIYA ARABISTONI VA O‘ZBEKISTON: QISHLOQ XO‘JALIGI SOHASIDAGI HAMKORLIK

Kecha, 11-avgust kuni Ар-Риёд шаҳрида O‘zbekiston Respublikasi Qishloq xo‘jaligi vazirligi vakillari Saudiya Arabistoni Podshohligi Atrof-muhit, suv resurslari va qishloq xo‘jaligi vazirligi vakillari bilan mamlakatlar o‘rtasida qishloq xo‘jaligi mahsulotlari savdosini kengaytirishda hamkorlik masalalari yuzasidan uchrashdi.

Saudiya Arabistoni Podshohligi (SAP) tomonidan Atrof-muhit, suv resurslari va qishloq xoʻjaligi vazirining birinchi oʻrinbosari Mansur Al-Mushayti va vazir oʻrinbosari Sulaymon Alxatib ishtirok etdi. Oʻzbekiston tomonidan Qishloq xoʻjaligi vaziri oʻrinbosari Qahramon Yuldashev hamda Veterinariya va chorvachilikni rivojlantirish davlat qoʻmitasi raisi oʻrinbosari Sirojiddin Berdiqulov ishtirok etdi.

Uchrashuvda Saudiya tomoni bo‘lajak oliy darajadagi tashrif chog‘ida qishloq xo‘jaligi, veterinariya va chorvachilikni rivojlantirish sohalarida hamkorlik to‘g‘risidagi memorandumlarni imzolash muhimligi va bunga tayyor ekanini ta’kidladi. Shuningdek, mamlakatlar oʻrtasida qishloq xoʻjaligi, chorvachilik va boshqa mahsulotlar savdosini kengaytirish maqsadida agrar sohadagi hamkorlikni chuqurlashtirish boʻyicha kelishuvga erishildi.

Kelishuvga ko‘ra, ikki davlat tomonidan Memorandumlar imzolangandan so‘ng hamkorlikni rivojlantirish va qo‘shma loyihalar bo‘yicha aniq chora-tadbirlar va yo‘nalishlarni o‘z ichiga olgan “Yo‘l xaritalari” tayyorlanadi.

Shuningdek, Saudiya tomoni O‘zbekiston delegatsiyasini yirik qishloq xo‘jaligi ishlab chiqaruvchilari va eksport kompaniyalari o‘rtasidagi hamkorlikni kengaytirish maqsadida joriy yilning oktabr oyi oxirida Ar-Riyod shahrida bo‘lib o‘tadigan yirik agrosanoat kompleksi ko‘rgazmasida ishtirok etishga taklif qildi.

Uchrashuv iliq va do‘stona muhitda o‘tdi.