Размер шрифта: A A A
Цвет сайта: A A A A
Чоп этиш учун
13 sep

Москва шаҳрида бўлиб ўтаётган “World Food Moscow – 2017” халқаро озиқ-овқат кўргазмасида ўзбекистонлик тадбиркорлар ҳам ўз маҳсулотлари ва хизматлари билан иштирок этмоқда.

“World Food Moscow – 2017” жаҳондаги озиқ-овқат маҳсулотлари ишлаб чиқарувчи ва етказиб берувчи етакчи компаниялар иштирок этадиган, маҳсулот ва хизматларни экспорт қилиш бўйича музокаралар ўтказадиган нуфузли форумдир. Бу йил мазкур кўргазмада 60 га яқин мамлакатдан 2 мингдан зиёд фирма ва компания вакиллари иштирок этмоқда.

Кўргазмадаги Ўзбекистон миллий экспозицияси ўзига хос дизайни ва кенг турдаги озиқ-овқат маҳсулотларига бойлиги билан қатнашчиларда қизиқиш уйғотмоқда. Унга ташриф буюрганлар мамлакатимизнинг озиқ-овқат маҳсулотлари ишлаб чиқариш борасидаги салоҳияти ва имкониятлари, соҳада таклиф этилаётган хизматлар билан танишмоқда.

Манба: ЎзА




Белгиланган матнни тинглаш учун қуйидаги тугмани босинг Powered by GSpeech