Размер шрифта: A A A
Цвет сайта: A A A A
Чоп этиш учун
24 jun

 Жорий йилнинг 24 июнь куни БМТнинг Озиқ-овқат ва қишлоқ хўжалиги соҳасидаги ташкилоти (ФАО) конференциясида Ўзбекистон Республикаси Қишлоқ хўжалиги вазири Жамшид Ходжаев нутқ сўзлади. Вазир бугунги кунда Ўзбекистонда қишлоқ хўжалиги соҳасида янгича институционал ислоҳотлар бошлангани, бу эса Президентимиз Шавкат Мирзиёев ташаббуси билан қабул қилинган мамлакатимизнинг беш йиллик тараққиёт стратегиясидан келиб чиққан ҳолда амалга оширилаётганини таъкидлади.

Вазир дастлаб конференцияда бутун дунё эътиборини тортаётган муаммо - Озиқ-овқат хавфсизлигини таъминлаш масаласига алоҳида эътибор қаратди. Албатта, бу масалани ҳал этишда ҳар бир давлатнинг ўзига хос ўрни борлиги, Ўзбекистон бу борада қўшни давлатлар билан яқин ҳамкорликни ўрнатиш орқали Марказий Осиё минтақасида савдо-сотиқ тартибларини соддалаштириш борасидаги кўплаб муаммоларни ечишга муваффақ бўлаётгани сезиларли натижаларни бермоқда.
photo_2019-06-24_15-35-37 (2).jpg

Бугун ҳеч биримизни бефарқ қолдирмайдиган яна бир муаммо бор. Жаҳон ҳамжамияти томонидан тан олинган – Орол фожиасини бартараф этишга қаратилган ҳаракатларни бирлаштириш Ўзбекистон ташқи сиёсатининг муҳим йўналишларидан биридир. Айниқса, бу борада унинг ҳудудларини ўрмонзорга айлантириш чоралари кўрилмоқда. Шунингдек, БМТ шафелигида Ўзбекистоннинг Оролбўйи минтақаси учун Инсон хавфсизлиги бўйича кўпшериклик траст фонди ташкил этилгани, эса кўплаб давлатлар бу жамғарма фаолиятини қўллаб-қувватламоқда.

Қайд этилганидек, яқинда Ўзбекистонда қишлоқ хўжалигида ер ва сув ресурсларидан самарали фойдаланиш борасида аниқ вазифалар белгиланган бўлиб, айни пайтда мамлакатимизда ўзлаштириш имкони бўлган 1 миллион гектардан ортиқ майдон қайта фойдаланишига эришилади. Бу эса республикада амалга оиширилаётган муҳим ислоҳотлардан биридир. Шу боисдан Ўзбекистон бу борада ҳамкорлар билан ишлашга тайёр эканлигини маълум қилди.

3.jpg

Қишлоқ ҳудудларини ривожлантириш, аҳоли, айниқса, ёшларни иш билан таъминлаш муҳим йўналишлардан бири бўлиб, бу борада Президентимиз саъй-ҳаракатлари билан барқарор ривожланиш мақсадларини амалга оширишда гендер тенглигини таъминлаш, хотин-қизларнинг қишлоқ хўжалигидаги ўрнини ошириш борасидаги ишларни кенгайтиришга кенг йўл берилмоқда.

4.jpg

БМТнинг Озиқ-овқат ва қишлоқ хўжалиги соҳасидаги ташкилоти (ФАО)нинг Европа ва Марказий Осиё учун 32-ҳудудий конференциясининг Ўзбекистонда ўтказилишидан мамнунмиз. Бу бизга келгусидаги ишларимизни амалга оширишда катта масъулият юклайди.

Конференцияда маърузада баён этилган масалалар хорижлик мутахассислар томонидан қўллаб-қувватланди.

Манба: Вазирлик матбуот хизмати




Белгиланган матнни тинглаш учун қуйидаги тугмани босинг Powered by GSpeech